Позиција
ВИСТИНА И ПРЕСМЕТКИ
Стефан Влахов-Мицов
Да, државниците, исто така, се луѓе, но кога имаш претензии да раководиш држава, твоето мислење треба да е на нивото на државниот интерес. Нацијата е заедница од луѓе и е поширок поим од државата. Затоа и делови од македонската нација, освен во Република Македонија, живеат по целиот Балкан и во Европа, како и на другите континенти. Животот на една држава, а уште повеќе - на една нација, не завршува со животот на едно поколение. Да не зборуваме за помали периоди од 10, 20 или 30 години. Секогаш нешто може да биде подобро и поубаво. Има многу примери од Европа и од другиот дел на светот кога градски комплекси и историски споменици биле градени со десетлетија и дури со столетија. Но, внимавајте, во континуитет со основните архитектонски решенија. Најголем проблем на македонското општество отсекогаш беше недовршената работа, половичноста, колебливоста. Ете зошто „Скопје 2014“ треба да биде завршено, какви и да се недостатоците од денешна гледна точка. Ништо не е совршено, но Македонецот треба да научи до крај да ги завршува своите работи. А не да се колеба под надворешен притисок или под внатрешни сомневања. Тоа што денес изгледа како архитектонски недостиг, по половина век на идните поколенија ќе им биде повод за гордост. Времето работи во полза на тој проект и на сите работи поврзани со македонскиот идентитет. Стратегискиот интерес на Македонија е да го зачува уставното име и идентитетот, а животниот стандард на македонските граѓани да биде на средноевропско ниво. Тој интерес е целосно остварлив. За зголемување на животниот стандард не се потребни ниту ЕУ, ниту НАТО. Бугарија и Романија се членки на двете организации, а стандардот им е понизок од други европски држави, кои не се членки. Зошто Грција, која 30 години е членка на ЕУ, има понизок стандард од Словенија, која стана членка пред неколку години? Членството во ЕУ не носи автоматски стандард. Вистина, носи повеќе пари, кои во Грција, Бугарија и во Романија силно се крадат од политичките врвови. Затоа ми се чудни критиките што македонската влада не сакала да влезе во ЕУ зашто сакала да краде. Доколку тоа беше вистина, Владата одамна ќе направеше компромиси какви што бараат од неа зашто токму ЕУ е рај за корупција. Почнувајќи од самиот управувачки механизам во ЕУ, па преку распределбата на еврофондовите и заклучно со отчетот за расходуваните средства на одделни држави. Во последната година, на пример, Бугарија четирипати официјално го менуваше буџетскиот дефицит за фиктивно да го усогласи со барањата на ЕУ. Недостигот од доволно инвестиции во Македонија не се должи на нечленувањето во ЕУ, туку на фактот дека има многу службеници што не си ја вршат работата: едно поради некомпетентност; второ, поради незаинтересираност; трето, поради отворена саботажа. Стратегиското мислење означува да се донесуваат и да се реализираат закони, кои се во интерес на македонската држава. Не во името на нечии лични, групни или партиски интереси, не во името на некаков си апстрактен хуманизам или демократија, ами во името на Македонија. Лустрацијата ќе биде полезна ако содејствува со зацврстувањето на македонската држава, а не да поттикнува меѓуетнички скандали или спротивставување меѓу самите Македонци. Зошто ви е лустрација, која ќе вади факти од пред 10, 20 или 30 години, што ја заплашуваат македонската држава денес и утре? Тоа не значи да се кријат или да се замачкуваат историските факти, туку да се направи така што нема да им пречи на стратегиските цели на Македонија. На надворешните притисоци и интриги треба да се одговори со внатрешна сплотеност. За разлика од времето пред балканските војни, денес огромен дел од Македонците се единствени за сочувување на својот македонски идентитет. Прогрчките и пробугарските кругови се малцинство и покрај нивните медиумски и политички вресоци. Затоа и обидите за дестабилизација се поврзани со односите со македонските Албанци. Прв услов за одбрана на македонскиот идентитет е да не се дозволи внатрешна дестабилизација на државата. Ниту социјална, ниту меѓуетничка. За вториот е потребно одржување на партнерски односи во владината коалиција и отстранување на сите фактори што ја уриваат. За првото е потребно зголемување на животниот стандард, да се намали невработеноста и повеќе инвестиции. Ако се создаде здрав ред во социјалната и во меѓуетничката сфера, тоа ќе овозможи мирна реализација на долгорочните цели на Македонија. Директно кажано, внатрешната стабилност е гаранција на македонската држава дека не зависи ниту од НАТО, ниту од ЕУ. Унијата не праќа инвеститори на лента во државите што се членки, ниту, пак, НАТО се меша во внатрешните безредија на Грција, Франција, Германија, Италија и на други. Значи, внатрешната стабилност и безбедност зависи од нашата зрелост и од способностите на власта. Во 2001 година некои македонски кругови, потцртувам македонски, а не албански кругови, сакаа да ја снема Република Македонија. Крајна цел на некои македонски Албанци беше федерализација на Македонија, а во исто време стремежите на некои „Македонци“ беа „да си се собереме со Бугарија“. Подоцна тие успеаја да си ја остварат целта само на личен план земајќи бугарски пасоши. Денес за македонската држава е полесно да ги надмине краткорочни и среднорочните проблеми и предизвици. Зашто, од една страна, македонските граѓани созреаја за стратегиски решенија во името на Македонија. Од друга страна, зрелост демонстрираат македонските политичари и тие од средината на македонските Албанци, од кои зависи успехот на таа долгорочна стратегија. Од трета страна, македонските соседи, кои мечтаеја да си го поделат и единственото слободно „парче“ од некогашна Македонија, се во катастрофална криза. Според Мохамед ел-Ериан, шеф на компанијата „Пацифик инвестмент менаџмент“, која е сосопственик на најголемиот облигациски фонд во светот, Грција, веројатно, ќе пропадне во наредните три години зашто кратењето на буџетот нема да биде доволно за да се намали должничкиот товар на земјата. Во Бугарија, која во последната година и пол се повеќе пропаѓа во изворот на кризата, наскоро ќе се случат интересни работи. Може да бидат дури поинтересни и од тие во зимата на 1997 година. Со два збора, Грција и Бугарија личат на големи дрвја со разјадено стебла, како охридскиот чинар. Тие повремено може да и задаваат тешкотии на Македонија, вклучувајќи ги и преговорите за НАТО и за ЕУ, но нивното пропаѓање е неизбежно. А, тоа значи дека не само на долгорочен, ами и на среднорочен план времето работи за Македонија.
НАРОДНА ВОЛЈА
Абонирайте се за вестник “Народна воля”
УВАЖАЕМИ ЧИТАТЕЛИ,
Започна абонирането за вестници и списания за 2010 година. Вестник “Народна волja” и през идната година ще има каталожен номер 2050.Абонирайте се за вестник “Народна воля”! “Народна волja” ще се стреми винаги да бъде вярна на Гоцевите завети и да ги пресътвори в живота на днешния ден!“Народна волja” ще Ви запознава редовно със свободолюбивите идеи на македонските интелектуалци!“Народна волja” ще разкрива редовно демагогската националшовинистична политика на ванчемихайловистката ВМРО.Краен срок за абониране - 15 декември 2010 г.! Четете и разпространявайте вестник “Народна волja”! Вестникът на истината, вестникът на утрешния ден! “Народна волja” - каталожен номер 2050!
101 години от рождението на Никола Вапцаров
И Л И Н Д Е Н С К А Вината не бе наша. В А П Ц А Р О Ти и днес агитираш,
Едноставниот одговор на тоа прашање е: времето работи за умните, кои притоа се и храбри. Не е доволно само да си умен или само да си храбар. Во историјата има илјадници примери за големи крахови поради комбинациите умен, но плашлив или храбар, но глупав. Освен тоа, има различни категории време. Едно е времето да го разгледуваш низ призмата на човечкиот живот, сосема друго е ако се земат предвид интересите на државата и на нацијата. Една од причините политичарите и државниците да немаат стратегиско мислење е што не одат подалеку од рамките на секојдневието. 
