Светскиот Македонски Конгрес (СМК) го поздравува Извештајот на Обединетите Нации за малцинските права во Република Бугарија објавен на 3 јануари 2012 година.
СМК за позитивни ги оценува препораките за признавање на македонското малцинство и изучувањето на македонскиот јазик, како и барањата Софија да преземе мерки против дискриминацијата на Македонците, да изврши регистрација на македонските партии и организации и целосно да ги спроведе пресудите на Европскиот суд за човекови права во Стразбур.
СМК смета дека унапредувањето на положбата и правата на Македонците во Република Бугарија е услов за продлабочување на македонско-бугарските добрососедски односи и придонесува за стабилизација на регионот.
СМК апелира до властите во Софија да преземат мерки за спроведување на пресудите на Европскиот суд за човекови права во Стразбур и на препораките од Извештајот на Обединетите Нации за малцинските права во Република Бугарија од јануари 2012 година.
Светскиот Македонски Конгрес (СМК) го поздравува Извештајот на Обединетите Нации за малцинските права во Република Бугарија објавен на 3 јануари 2012 година.
